Deprecated: mb_convert_encoding(): Handling HTML entities via mbstring is deprecated; use htmlspecialchars, htmlentities, or mb_encode_numericentity/mb_decode_numericentity instead in /home/justiceinfo/www/wp-content/themes/justiceinfo/includes/helpers.php on line 1177
Icyo cyemezo gishya, cyatangajwe na minisitri ushinzwe umutekano mu gihugu, Musa Fazil Harerimana ubwo yari mu karere ka Ngoma mu ntara y'iburasirazuba.
Radio Rwanda isubira mu magambo Harerimana yavuze, iragira iti « kuva ku itariki ya 1 Nyakanga birabujijwe kugemurira imfungwa kubera ko Leta y'u Rwanda isanga ibiryo itanga muri za gereza bihagije ». Irakomeza igira iti « Urujya n'uruza rw'abantu bagemurira imfungwa, rubuza abagemura gukora indi mirimo ».
Icyo cyemezo ntikireba abagore batwite, abonsa cyangwa abarwayi baba baragenewe imirire yihariye n'umuganga wemewe na Leta.
Nk'uko byemezwa n'urugaga nyarwanda ruharanira uburenganzira bw'ikiremwamuntu LIPRODHOR, gereza 14 z'u Rwanda zabarirwagamo abantu bagera kuri 59.590 mu ntangiro z'uyu mwaka.
Muri uwo mubare harimo abagore 3.572 barimo ababana n'abana babo bonka bagera kuri 375 nk'uko byemezwa na LIPRODHOR.
PU/ER
© Agence Hirondelle
